Chewbacca úr Stjörnustríðsmyndunum átti upphaflega að vera lemúr

 

chewie2

Þegar George Lucas, skapari Stjörnustríðsmyndanna, bað listamanninn Ralph McQuarrie um að hanna Chewbacca, eða Loðinn eins og hann var kallaður í íslenskri þýðingu, sagði hann honum að teikna veru sem líkist lemúra.

Fyrstu teikningar McQuarries sýndu Loðinn, svo við notumst við íslensku þýðinguna, sem stórvaxinn mannapa með risastór augu og eyru sem sköguðu beint upp í loftið.

IMG_0090

Þessar teikningar héldust vel í hendur við það sem stóð í öðru uppkasti handritsins en í því er Loðnum lýst sem hávaxinni skepnu sem líkist risavöxnum galagóapa (fjarskyldum ættingja lemúrsins) með vígtennur ekki ósvipuðum vígtönnum bavíanans. Augu hans eru stór og gul og jafnframt sá hluti andlitsins sem er hvað mest áberandi.

chewbacca concept

Loðinn átti eftir að taka mörgum breytingum frá þessum fyrstu teikningum. Og þar kemur að óvæntri tengingu við vinsælasta fantasíurithöfund síðustu ára.

Í viðtali sem tekið var við McQuarrie skömmu fyrir andlát sitt sagði hann að George Lucas hafi tekið virkan þátt í sköpunarferlinu. Lét Lucas hann hafa gamlar myndir af loðnum verum með sex brjóst í lóðréttri röð eftir endilöngum líkama þeirra. McQuarrie fjarlægði brjóstin af verunum og í þeirra stað hengdi hann á þær skotfærabelti.

Í dag þykir nokkuð ljóst að teikningarnar sem Lucas lét McQuarrie í té voru teikningar sem bandaríkjamaðurinn John Shoenherr hafði gert fyrir smássöguna Analog sem var gefin út árið 1975 og var eftir rithöfundinn G.R.R. Martin sem er nú betur þekktur sem skapari Game of Thrones.

Hér að neðan má sjá teikningar þeirra McQuarrie og Shoenherr.

Chewie3

Chewbacca eins og hann birtist í fyrstu Stjörnustríðsmyndinni og veran í bók G.R.R. Martin.
chewie4Mikið hefur verið fjallað um hvert George Lucas sótti fyrirmyndir sínar fyrir Star Wars. Engin furða þar sem um er að ræða einar vinsælustu kvikmyndir sögunar. En hverjar sem fyrirmyndirnar eru þá tókst þeim McQuarrie og Lucas að skapa persónur sem fönguðu ímyndunarafl ungs fólks og lifa þar áfram góðu lífi.

 

 

Þessi færsla var birt undir Uncategorized. Bókamerkja beinan tengil.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s